CASTAÑAS, MAGOSTO E OUTONO

Toda a información relativa a este tema está no seguinte enlace:

OURIZO

Envoltorio espiñoso no que vén a castaña.
Recollido por alumnado de 4º de primaria do CPI de Castroverde.

OURICEIRA/URICEIRA

Montón de castañas que se traían para a casa no seu ourizo. Poñíanse nunha pila e cubríanse con toxos, xestas, fentos... O ourizo íase pudrindo e a castaña conservábase. Despois había que sacalas dos ourizos e poñelas a secar ao sol. Deste modo podíanse conservar todo o inverno. Recollida por José Fernández Fernandez en Cellán de Calvos, Maruja da Portela en Furís, Ana Dopico Morán en San Julián e Virtudes Besteiro Pérez en Barredo, Castroverde.

ORELLEIRAS

Parte do arado romano (de madeira), que despraza a terra para facer regos.
Escrita e recollida por Laura Trashorras Pérez
Persoa que a usou: Antonio Trashorras Nogueira
Lugar: San Miguel do Camiño. Castroverde