CAMBO

Ferramenta en forma de vara de madeira cun gancho de ferro na punta, empregada para enganchar as ponlas das árbores e coller o froito.
Recollido por alumnado de 4º de Primaria do CPI de Castroverde.

CORRIZA /ROLLA

Tea que se enrollaba para levar cousas na cabeza.
Recollido por alumnado de 4º de Primaria do CPI de Castroverde  e por Álvaro Muñiz en Taboada, Lugo.

ZONCHOS

Castañas escaldadas coa pel, que se usaban para facer colares.
Recollido por alumnado de 4º de Primaria do CPI de Castroverde.

FALTRIQUEIRA/FARRAQUEIRA

Bolsa de tea atada ao corpo pra apañar castañas.
Recollido por alumnado de 4º de Primaria do CPI de Castroverde.

MAMELAS

Castañas que se cocen con salmoira.
Recollido por alumnado de 4º de Primaria do CPI de Castroverde.

CARRIZAS/CORRIZAS

Ouriceiras que se rodeaban de uces e paus darredor, para que non entraran os animais. tamén podían cerrarse con pedras.
Recollido por alumnado de 4º de Primaria do CPI de Castroverde.

ESCADA

Obxecto de madeira que se pode mover dun lugar a outro para poder subir a sitios altos.
Recollido por alumnado de 4º de Primaria do CPI de Castroverde.

CESTOS/CESTAS/PESELOS

Recipientes de diferentes formas feitos con fibras vexetais.
Recollido por alumnado de 4º de Primaria do CPI de Castroverde.

TENAZAS/FUSTE/MORDEGA

Especie de pinzas feitas de madeira para recoller as castañas do chan sen pincharse cos ourizos.
Recollido por alumnado de 4º de Primaria do CPI de Castroverde.

PALANCA, BAREXA, BALEIRA

Vara longa para tirar os ourizos ao chan.
Recollido por alumnado de 4º de Primaria do CPI de Castroverde.

BULLO

A casca das castañas, despois de pelalas, desperdicio.
Recollido por alumnado de 4º de Primaria do CPI de Castroverde.

REGAÑAR

Abrirse os ourizos, cando as castañas están xa maduras.
Recollido por alumnado de 4º de Primaria do CPI de Castroverde.

OURIZO

Envoltorio espiñoso no que vén a castaña.
Recollido por alumnado de 4º de primaria do CPI de Castroverde.

CANDEA

A flor do castiñeiro.
Recollida pols alumnos de 4º do CPI de Castroverde.

CASTAÑEIRO

Castiñeiro
Recollida pols alumnos de 4º do CPI de Castroverde.

SOUTO

Bosque de castiñeiros.
Recollida pols alumnos de 4º do CPI de Castroverde.

BOMBO /TAMBOR

Utensilio metálico, cilíndrico con buratos todo ó redor, no que se metían as castañas para asarse. Colgábase da garmalleira dábaselle voltas enriba do lume.
Recollido polo bisavó de Carla en Cobelas, Castroverde.

BULLAR

Sacar as castañas dos ourizos.
Recollido por Ana Dopico Morán en San Julián, Castroverde.

LOURÁS, ABADÁS E VERDELLAS

Variedades de castañas. As lourás son moi grandes, planas por unha cara e moi barrigudas pola outra, As outras dúas son máis pequenas.
Recollida por Obdulia Penela en Santa Comba.

MAMULO

Castaña branca pelada obtida despois de escaldal en auga fervendo para que soltara as pelas, que despois se utilizaba para facer o caldo de castañas.
Recollida por Obdulia Penela en Santa Comba.

MAZÓN

Utensilio de madeira reUtilizábase para desgranar o millo. Botábase no mazón, dábaselle golpes e caía o millo debullado polos buratos do mazón.
Recollido por Cristina en Abadín.

CABOZO

Lugar onde se garda o millo sen folla durante todo o inverno. Está feito con madeira pedra e lousa.
Recollido por cristina en Abadín.

TRONDIEIRA

Pao horizontal apoiado nos extremos ou colgado dunha viga., no que se colgaban as restras do millo.
Recollido por Obdulia Penela en Santa Comba, Lugo.

LIÑO

Planta da que se facía unha fibra que logo se utilizaba para confeccionar roupa para vestirse e tamén para as camas.
Recollido por Mari Luz en Furís, Castroverde.

Planta 

Tea feita con liño

SELLA

Recipiente para carretar auga dunha fonte para o consumo e facer de comer. Estaba feito de tiras de madeira e tiras de latón.
Recollido por Laura Pin Lombardero en Fonteo, Baleira, Lugo.

CIÑA

Recipiente de zinc que se usaba para lavarse as persoas e tamén para lavar roupa.
Recollido por Laura Pin Lombardero en Fonteo, Baleira, Lugo.

PINZAS PARA RECOLLER OURIZOS

Son pinzas de madeira feitas dunha rama do propio castiñeiro. Servían para non se pinchar cando se apañaban os ourizos.
Recollido por Izaskun Val López en  Corneiros, Pol.

TOLA OU BORROEIRA

Pila de torróns que se cavaban no monte, que cando se secaban, prendíaselles lume e a logo a cinza extendíase pola finca.
Recollido por Laura Pin Lombardero en Fonteo, Baleira.

CANDIL DE GAS

Recipiente cun depósito de gas e un pitorro cunha mecha. Servía para alumnar e era de lata.
recollido por Laura Pin Lombardero en Fonteo, Baleira.

OURICEIRA/URICEIRA

Montón de castañas que se traían para a casa no seu ourizo. Poñíanse nunha pila e cubríanse con toxos, xestas, fentos... O ourizo íase pudrindo e a castaña conservábase. Despois había que sacalas dos ourizos e poñelas a secar ao sol. Deste modo podíanse conservar todo o inverno. Recollida por José Fernández Fernandez en Cellán de Calvos, Maruja da Portela en Furís, Ana Dopico Morán en San Julián e Virtudes Besteiro Pérez en Barredo, Castroverde.