ESCILLA

A escilla serve para quitarlle a folla e os ourizos ás castañas e apañalas. Parécese a unha gallita. (Alejandro Lago Penín, 2º Primaria)

HOMES DE PALLA

Bonecos feitos de palla que se usaban para gastar bromas no Entroido. (Recollida por Carla Fernández Sal en Vilar)

PULLAS

Mentiras que se contaban os uns aos outros no Entroido. Meterse pullas. (Recollida por Carla Fernández Sal en Vilar)

FARRAPADA

Festa que se facía no Entroido e que consiste en mollar ou encher de lama os farrapos (trapos) e tirarllos á xente. (Recollida por Brais Varela Díaz en Villafrío)

CIMOS

As follas más tenras dos nabos.

CHARRÚA

Máscara de Entroido. (Recollida por Brais Varela Díaz en Villafrío)

PARRANDA

Grupo de persoas que se disfrazaban e ían de troula casa por casa durante o antroido. (Recollida por Brais Varela Díaz en Villafrío)

QENTA-PÉS

Botella feita de barro que se enchía de auga quente para poñer aos pés da cama. (Recollida por Brais Varela Díaz en Villafrío)

ALDRABA

Era un pau que servía para pechar as portas e as contras de madeira. (Recollida por Brais Varela Díaz en Villafrío)

GUILLADA

Vara de madeira cun pincho na punta para afalar ao gando. (Recollida por Laura Bouzas Abelleira en Serés)

TRADE

Ferramenta que se usa para facer buratos na madeira. (Recollida por Laura Bouzas Abelleira en Serés)

AIXOLA

Ferramenta que usaban os zoqueiros. Ten unha empuñadura de madeira e unha coitela. (Recollida por Laura Lence Reija en Barredo)

BITILLOS

Era coma unha rede de forma redonda que se lles poñía ás vacas no fociño para que non comeran as verzas. (Recollida por Brenda Lence Iglesias en Rebordaos)

GADAÑA

Ferramenta de ferro que servía para cortar a herba. (Recollida por Carla Fernández Sal en Vilar)

ANGAZO

Ferramenta de madeira parecida a un peite con mango que se usaba para angazar (xuntar) e herba e a folla. (Recollida por Carla Fernández Sal en Vilar)

MANDIL

Capa de cor negra e feita de liño que se usaba para protexerse do frío. (Recollida por Carla Fernández Sal en Vilar)

INCRE

Utensilio de ferro que se usaba para crabuñar a gadaña. (Recollida por Brais Varela Díaz en Villafrío)

CANADO

Caldeiro de cinc que levaba 16 litros e servía para medir o viño. (Recollida por Miguel Ferreiro Pereira en San Miguel)

PELEXO

Recipiente que se facía con pel de ovella e servía para levar o viño. (Recollida por Miguel Ferreiro Pereira en San Miguel)

CAÍNZO/FAÍOS/CORREDOR

Estaba enriba da lareira e servía para curar as castañas ou secar a leña.
Recollida por Alejandro Lago Penín en Pereira de Furís.
Recollido por alumnado de 4º de Primaria do CPI de Castroverde.

PEXELO

Utensilio parecido a un coador que se usaba para escurrir os cachelos. (Recollida por Miguel Ferreiro Pereira en San Miguel)

ESPITEIRA

Moble de madeira que servía para poñer a vaixela. (Recollida por Miguel Ferreiro Pereira en San Miguel)

RODELA

Rosca de trapo que se poñía na cabeza para cargar os feixes de verzas, nabos, herba e tamén a sella da auga. (Recollida por Carla Fernández Sal en Vilar)

TUBEIRA OU TULEIRA

Era un corno de vaca que tiña un enganche para colgar no pantalón. Botábaselle auga dentro para meter a pedra de afiar. (Recollida por Carla Fernández Sal en Vilar)

BARQUIL

Usábase para dar aire ao carbón na forxa para que ardera. (Recollida por Miguel Ferreiro Pereira en San Miguel)

ARTESA

Recipiente grande de madeira que se usaba para amasar e gardar o pan. (Recollida por Miguel Ferreiro Pereira en San Miguel)

MALLOS

Ferramenta que se usaba para sacar o gran da cebada ou do trigo da espiga. (Recollida por Brenda Lence Iglesias en Rebordaos )

SELLA

Recipiente que se usaba para recoller auga para uso doméstico. (Recollida por Laura Bouzas en Serés).

ROLDANA

Servía para sacar auga do pozo. (Recollida por Laura Lence Reija en Barredo)

XUNGUIR

Poñer o xugo as vacas para que tiren do carro. (Recollida por Brais Varela Díaz en Villafrío)

CARPAS OU CARBIAS

Eran como unhas pás de madeira con puntas e servían para estirar o liño. (Recollida por Carla Fernández Sal en Vilar e Miguel Ferreiro Pereira en San Miguel)